احترت ف حبك... منى شحاته

 احترت ف حبك

بقلمي (منى شحاتة)

 جمهورية مصر العربية

نفسي حقيقي افتح قلبك 

واعرف ايه بس جواه

احترت والله انا ف حبك

نفسي حقيقي نفسي انساه

قلت  كتير  ياما  لقلبي

ابعد  عنه  يصرخ  يقولي أنا بهواه

طيب  قولي ليه تقرب

ايه  اخرت  حبك  وياه

طول الوقت  تنادي عليه

طول الوقت  بتجري وراه

كل  شوية تفكر ليك قرب

فجأة  تلاقي  ياقلبي  جفاه

تاعب  نفسك  وتعبتني

واتعذبت  اهو أنا معاه

ياما كتير  طلبوا  قربك

وانت رافضهم ولاعينك  شايفه  إلاه

طب قولي الحل  ايه

اعمل  ايه  معاك  ومعاه

بص  ياقلبي بص بقى اسمع

مهما تقول ومهما تعيد

طبعه هيفضل كدا وياه

مهما تحاول  ومهما تقرب

ومهما حتى  تترجاه

اصبر يمكن مع الأيام تقدر تبعد 

وحاول  انك  تسلاه 

 اما حقيقي لوبتحبه

يبقى الحل انك تستحمل وتسلم امرك لله

يمكن  يوم يتغير طبعه وتتهنى وقتها بهواه