اغنية لا يا حبيبي اتغير... ابراهيم الافندي
أغنية لا يا حبيبى إتغير
بقلم إبراهيم الأفندي
=============
ليه دمعك بيغطى عنيك
ليه أحزانك تكبر فيك
لا يا حبيبي إتغير
لو مقدرتش تهزم خوفك
عامل ألف حساب لظروفك
راح تفضل متحير
لو ح تسيب للدمع عيونك
صدقنى دموعك ح تخونك
والاحزان حتفكر فيك
وح تعرف ديما أراضيك
على قلبك ح تدور
لأ يا حبيى إتغير
كلنا بالأحزان بنمر
والأيام فبها حلو ومر
تقدر جوا الحزن تغنى
لو تقدر طب ليه مستنى
لو أحزانك ح تخليك
تنسى حبيب قلبك وعنيك
ايامك هتمرر
لا يا حبيبى إتغير
خليك أكبر من أحزانك
لو تقسى الايام على قلبك
قابل قسوتها بحنانك
وأوعى يضيع من قلبك حبك
تكبر قوى فى عيون الكل
فوق كل ما تتصور
لا يا حبيبى إتغير
إنسى الحزن عشان ينساك
دور ع الإنسان جواك
لو ما يهمك تسعد نفسك
منتا بتظلم قلبى معاك
إنما لو تفتح أحضانك
للضحكة حتموت أحزانك
وجبينك حينور
ﻷ يا حبيبى إتغير
لو حتسيب للدمع عيونك
صدقنى دموعك ح تخونك
والاحزان حتفكر فيك
وح تعرف دبما أراضيك
على قلبك ح تدور
لأ يا حبيبى إتغير
#خلصت_كلامى_خلاص
تعليقات
إرسال تعليق