متل الطلقة... عثمان الاقرع

 متل الطلقة 

.........

دلوعة غنجة مهضومة 

بأحلى صورة مرسومة  

بخدودك ياسمين وغار 

بيغاروا منك أزهار  

وعيونك ترمي شُعَّار 

كلك على بعضك أسرار 

متل الطلقة ملغومة 

بيضا شقرا غندورة 

بترفي متل العصفورة 

سبحان الخالق هالقد.

جمال وأنوثة عالقد 

لو شوية زيادة بعد 

بحلفلك والله عنجد

قلوبنا فيك مسحورة 

بيقولوا عنك مغرورة 

باربي وفلة وسنيورة 

شو بيحكوا عنك عُزال 

من غيرتهم قيل وقال 

ريم و مها وغزال 

خلقتي بأجمل صورة 

عيني ماشافت أحلى 

هالطلة ريتا ما تبلا 

خطواتك عالموسيقى 

صبحك أطيب ترويقة 

ولعتي بقلبي حريقة 

دلوني شو الطريقة 

حتى روحا  إحتلا 

.........

عثمان الأقرع 

سوريا