ببعتلك سلام... عادل داود

 ببعتلك. سلام... من كلماتى.. عــــــــــــادل داود..... 

ببعتلك سلام بالعين لخص كلامى فى كلمتين بحبك ولاغيرك حبيب.. 

فى هواك. بعيش. وعايزك.طبيب وقريب وعمرى ف هواك يطيب

واتمنى.اسكن قلبك.ولاحد قبلك.ولاحد. بعدك. وتكون أجمل نصيب

بهواك ياملاك سبحان من ابدعك. وبالجمال جملك.واحزن لو يوم تغيب.

ببعتلك سلام.. ـــــــــــــــــــــــــــــــــــــــــــــــــــــــــــــــ

وكلى هيام.دايب دوب. ويدوب اشوفك بسرح فى عالم تانى.

لاشوفت زيك ولا هشوف.كلى خوف  أقرب.أغرق فى ثوانى

بحورك غريقه والحقيقه..خايف ماتكونشى يوم عشانى

وكفايا اشوفك.واسمع من بعيد حروفك.وهيه بتقول اجمل معانى..

ببعتلك سلام...ــــــــــــــــــــــــــــــــــــــــــــــــــ

القلب لابيهدى ولا بينام. ديما بيحلم بيك. يااجمل من الجمال

خدت منى عيونى وقلبى وروحى. وانا ليك ميال

متيم بيك. وديما بناديك. عايش فيك. ولا بيهدى البال. 

بحلم يوم تكون ليا يابحر حنيه. ياللى حسنك فاق الخيال...

ببعتلك سلام.. ـــــــــــــــــــــــــــــــــــــــــــــــــــــــــــــــ

وانا كلى غرام. والقلب.فى هيام..شايفك.بصورتك. مرسومه ع القمر

وانت بتبتسم.وروحى. تنقسم.. عايزه تطولك.القلب كتير صبر

من يوم ماشوفتك. ليل ونهار عايشك. وعرفت السهاد والشوق والسهر.. 

نفسى اشوف صورتى. ف. عنيك.المس إيديك. وتكون ليا اجمل قدر... 

من كلماتى.. عـــــــــــــــــــــــــادل داود......