طبعي صبور... زينب سليم احمد
((( طبعي صبور )))
================
أنا اللي الدنيا شايلاني وحطاني على دماغها .
ومهما آسيت بعاندها ولازم يوم اجيب داغها
بعيش فيها بقلب سليم لكن دايماً معنداني
واطول بالي اقول بكرة راح أغلبها وادغدغها
وانا اللي الحظ يهرب مني بالمشوار ولا يجيني
ومهما آآسي ليل ونهار . بكلمة حب تراضيني
وشايل هم كل الناس وبفرح برضه لفرحهم
ويوم الفرح ما يزورني ماالاقى حبيب يهنيني
وانا اللي بود كل الناس فى احزانهم وافراحهم
ولو فيه أزمة صابتهم بشيل عنهم واريحهم
ولا مرة بعادي حد لو ان الرد دايماً صد
ومهما يجرحوا فيا . محالة فى يوم اجرحهم
وباجي كتير على نفسي وبتحمل وطبعى صبور
وببدر خير فى كل طريق ولو حتى فى ارضى البور
وهاترك سيرة من بعدي تعيشني سنين وسنين
ويكفيني رضا ربي اعيش فرحان واموت مستور
===============================
بقلم // زينب سليم أحمد
ابداع ورقي
ردحذف