ايه يازمن... عبد المنعم عدلي
إيه يازمن
عبدالمنعم عدلى..مصر
إيه يازمن
فاضل فيك إيه
هات اللى عندك يازمن
كان الزمن
ماشى معانا زمان
وإنهارده وإحنا
على موال
ماشين والصبر
مشواره طويل
حتى لو غاب
نهار الزمان
هنفضل على
هذا الحال
الناس فى هول
الموال وإحنا
بنشوف الحال
تعال يازمن
عرفناك وإنت
ضعيف وكنا
فاكرين مكرك
تمللى شايل
لينا سكاكين
غدرك فى الظهر
كنا بنحبك
ومشينا معاك
على عهدك
خاين يازمن
بتغدر بينا
وعشت معانا
بعيون أفاعى
وماكنا دريانين
ظلمتنا بناسك
بس إتعلمنا
منك موال الصبر
والصابرين ربحانين
حتى لو باعوا
الصبر فى حطين
هروح وأشترى
من أهل الصبر
قيراط ولاقيراطين
وأقول
إبعدوا عنا
شيطان الإنس والجان
إتحدوا علينا وباعونا
ووقفوا يتفرجوا علينا
ياخسارة عليك
يازمن وعلى ناسك
ماشبعوا من
طبلية أهاليهم
نظراتهم تمللى
لناس حواليهم
إتولدوا والدهب
كاالماء أمام عنيهم
دينهم دنياهم
كتابهم فتحتهم
ولاينظروا لغيرهم
بطونهم بالخير مليانه
فقراء الى الله
والرب تمللى راعيهم
غدار يازمن غدار
تمللى ناسك
تغدر بأهاليهم
والحلو فيك يازمن
بتفضح ناسك
أمام عنيهم
يخسارة على
ناس تعبت عينيهم
والمكر بان فيهم
إيه يازمن
هات اللى عندك
وخلى كتابك
يفضح فيهم
بقلمى عبدالمنعم عدلى
تعليقات
إرسال تعليق