حسك تايهة..احمد عبد الحق
حسك تايهة
كل مافيك شيء متحير
احساس خايف من بكرة
شعور متغير
حسك دمعة شوق مخفية
كل ماتيجي تحس غرامك
تحسي اوجاعك
وكانك طفلة هتتصور
حسك دمعة رغم نزولها
بتحاول تضحك
بتحاول تلمع في الضلمه
خايفه لتتعكر
رافضة انها تتوجع
تفرق والله قلب سليم
عن قلب مشروخ متعور
احساسك بقي حس يتيم
بيعاني من طعم اليتم
مع انه مكتوب بكتابك
منقوش ومتقدر
انا شايفك موجوعه
اوجاعك مسموعه
احلامك منسية
ولا مشاعرك مخدوعه
انا عايشك من الاخر
وهاقولك من الاخر
لو حابة تعانديني
او حابة يكون دورك
حروف تبكيني
رافض اكون ضلك
رافض اكون هامش
بيك انا شاعر
ومن غيرك انا عايش
بيك بكون حلمك
ما انا نقطه من دمك
وكل ماتقسي
بحاول بحنية
بحاول اشيل همك
احمد عبدالحق
تعليقات
إرسال تعليق