مش هرجع تاني... عزة حسني
مش هرجع تاني
زي ماكنت .
وهيهون عليا
اللي زمان
عليهم هنت .
خلاص أنا
عارفة نفسي
إني للجراح أدمنت.
ياريت ترجع
بيه السنين
وأنا اكون حد
غير اللي زمان كنت .
لا عمري كرهت
ولا جرحت .
ولا بعيوب
غيري صيحت.
أنا اتحملت
ومشواري
كمان كملت.
وف عز وجعي
وهمومي
مابين الناس
أنا اتزينت .
ومستنية
يجي اليوم
دة عمر ماحاجة
يوم بتدوم .
ولو أحزاني
وهمومي
جبال بالكوم.
في رب كريم
لا بيغفل ولا بينام .
في لحظة يزيح
همومي والأسقام.
وهيعوضني
عن اللي راح .
بفرحة كبيرة
ودنيا براح.
مابين قلمي
وأوراقي
أعيش فيها
أنا سواح
بقلمي/ عزة حسنى
تعليقات
إرسال تعليق