طفل ايامي... نسيم. ح. حنا
من حكايا الليل
طفل ايامي
صدفة التقيت بطفل أيامي
قلّي يا أسمر قوم تانكبر
مشتاق كبّر فرخ أحلامي
وريش العجنحو ينفش ويكبر
مشتاق سابق مهر أوهامي
حتّى بشوطي إبطحو ويخسر
مشتاق هجّي حرف إلهامي
تيصير قمحي بالجنا بيدر
طلّعت فيه وقلت يا ابني
حيط البنا لبنة على لبنة/ي
والوقت بدّو يلتهي فينا
طعمو حلو ممزوج عاكينا
صعبة المراكب توصل المينا
ومايكون جسما عالوقت مبني
ولو كنت شايف هالدني دحّا
وماعاد فيها للورى قحّة
يمكن يا أسمر يوم تتشردق
ومافي حدا يقلك ألف صحة
ويمكن يا أسمر طفل احلالك
عامبسمو مجموع رسمالك
محلا الكَبر لو عنّك تنحّى
بقلمي
نسيم ح حنا
تعليقات
إرسال تعليق