سيرة القلب... صبري محمود النقيب
سيرة القلب .
...
خفت منك وانا اللى قلبى حبه منك.
حنيت انا بكل الهنا واللحظة دى ببعد عنك
وبقيت اسمع خطوتي بتخطى خارج جنتي
وبقيت افكر والروح بتسال ليه غيرت سكتي
وبعد الحب خوفتني وانت اللى بإيدك غيرتني
...
خفت منك وانا اللى قلبى حبه منك.
...
صبر الليالي وعد النجوم وسهر ليلاتي وكل يوم
يسقط قناع وتبان اوجاع وكل كلمة كانت خداع
وابكى انا ثانية بسنة وعقد الهنا فرط هموم
والجميل فينه الجميل والحب اتبخر وضاع
...
خفت منك وانا اللى قلبى حبه منك.
...
السماح اخذته مني و سألتني عن السماح
والقلب راح باعته عني وقربتلي كل الجراح
حتي الحكاوى جرحتها والاماني بعتها
والطيابة خلصه يابابا كل فرصك خلصتها
...
خفت منك وانا اللى قلبى حبه منك.
...
اتحديت بعنيك الخوف وبعنيك انت كنت بشوف
كل خطوة جوه طريقي طريقي اللى ماكنش حقيقي
وزرعي اللى كان اوهام بعد الطرح اصفر كلام.
واوعي تقرب او تستغرب سيرة القلب دموع ياسلام
...
خفت منك وانا اللى قلبى حبه منك.
...
بقيت خلاص حاجه تكسف ولو مكانى كنت تعرف
الكل عارف الكل حاسس تيجى سرتك فى المجالس
كنا سوا بقيت هوا يخضنى فى اى شىء
بقى الازعاج انت والشىء السيء انت
اخذت الحلو كله وسبب المر انت
...
خفت منك وانا اللى قلبى حبه منك.
...
الشاعر صبري محمود النقيب
ديوان العرب لكل العرب
ردحذف