بين نارين... صبري رسلان
بين نارين ( 189)
............
يا اللي بتحكوا
عن الغرام
ما تبصوا حالي
دوقتوا حلاه ولا قساه
سهرتوه ليالي
من شوك هناه
ياما إنجرحت
وأروح له تاني
بستنا أشواق يوم لقاه
بس إني أشوفه
وبنظرة واحده
نقول كلام
وأدوب في روحه
بغزل له أتواب لهفيتي
من شوق غرامي
وابعت له في
نسيم وحديتي
مراسيل هيامي
إخترته أيوه إخترته أنا
وعلى قلبي لوموا
كان ذنبي آه لو تعرفوا
عشقي و جنونه
كان حن ليا قلبكم
تواسوه في دموعه
يا اللي بتحكوا
عن الغرام
ما تبصوا حالي ..
حسيتوا حزني
وضحكتي حسيتوا مالي
قلبي وشايف إنه لاف
علي حب تاني ..
غير في إحساس لمسته
تلج وكساني
والهمسه لها طعم إختفى
دبليت ورودة
غايب بروحه عني أنا
حاجب وجوده
جوايا إحساس ما إنتهى
عشقاه و خايفه
خايفه إني أصارحه وأفقده وأكشف خداعه
ولا أعيش بالشكل ده
وأرفض وداعه
أنا بين نارين
يا أهل الهوى
ما تبصوا حالي
أصبر وصبري
يكون دوا و تهدى ناري
ومسيرة يرجع
حضني أنا
يوم يلقى داري
وأنا مش هتوه
في دنيتي
لو قال نساني
هلم وجعي في وحديتي
وأمسح بأيدي دمعيتي
وأعيش يجوز
بره الحياة وهرد تاني
فاكرة المكان
فاكرة الزمان
صورة وقديمت عالجدار
ذكرى فى خيالي
بقلم .. صبري رسلان
تعليقات
إرسال تعليق