صعب انساها... عادل داود

 صعب أنساها.. من كلماتى.. عــــــــــــــــادل داود. 

مش قادر أنساها ولا قادر أنسى أيام عشتها............ معاها

كنت مسجون ف وحدتى.وخدتنى.لحلو كلامها.... ولقاها

فاكر ضحكتها ومشيتها وهيه واخده قلبى لعشق.هواها

عيشتنى حقيقه كأنهاحلم.وهديتها ليا.قلبها....... وصباها

صعب أنساها.. ـــــــــــــــــــــــــــــــــــــــــــــــــــــــــــــــ

وكالعاده بشربها ساده. راحت منى وكأنى مخلوق للوداع

واتفتحت الجروح.وريحة الألم بتفوح. وسابت جوايا الأوجاع 

ليه قابلتنى وبالأمل. فرحتنى. وحياه ضاعت منى. وفجأة كله ضاع

موعود ياقلبى ديما بالعذاب.والجروح. والغرق وكسر الشراع. 

صعب أنساها.. ـــــــــــــــــــــــــــــــــــــــــــــــــــــــــــــــ

كنت معاها بطير للسما بجناحين فرحان وبلامس النجوم

وياها كنت للحب سفير. وبحب بضمير وعايز حبها يدوم

كانت أجمل صدفه فى حياتى. لماقابلتها شالت من حياتى الغيوم

كانت بس عايزانى أفرح. وقدرت تفرح قلبى. اللى بقاله سنين مهموم. 

صعب أنساها.. ـــــــــــــــــــــــــــــــــــــــــــــــــــــــــــــــ

بعزى نفسى على فراقها. خَدت الروح وسابت الجسد قابل للإنتهاء 

خدت الفرحه منى وسابتنى. لأحزانى. وعذابى وأيام الشقاء

كانت الحاجه الحلوه اللى فى حياتى..كانت دوا أيامى من البلاء

ليكى.سلام رغم بُعدك. بَعدك.إنتهيت.وياريتنى ماحبيت. ولا كان اللقاء

من كلماتى.. عـــــــــــــــــــــــــــــادل داود....