مشاوير...بقلم صبري الواحي

.......... مشاوير.........

مشاوير مكتوبة من العمر محسوبة
منقوشة فى القلب بالألون محفورة
ساعات  ترجع   لها  تشوف  العجب
 إزاى دا  حصل حقيقة واللا  أكذوبة
تبص  لروحك  تستعجب  أنا  بحلم
أكيد  كأن  العمر أمبارح  وأنا سارح
شفت   الطيف   كالبرق  وأنا   شب
وأقدامى   واقفة   ولسه   منصوبة
              والظهر مشدود زى العود 
والعين مليانة نور وصحة مصحوبة
تضحك  وترد لك  روحك المسروقة
سرقها  الزمان  وغفلان  ولا  دريان
   إن  أيام  العمر  لحظات  معدودة
        فيها الشقى وفيها الهنا وفيها
الضنى يكبر وتعوض أيامك المنهوبة

صبرى الواحى