رسالة تلميذ شهيد....بقلم محمد جمال الفايد

.............رسالة تلميذ شهيد لأمه في...........
..ذكرى إستشهاده وهوفي الطريق لمدرسته..
كان نفسي يامه قبل ماأموت
.....................ويدخلوني جوه قبري واندفن
أبوس راسك وإديك ورجليك
......................واحضن أخويا الصغير حسن
واشوف بعيني  يامه إللي
...................حزنوك عليا زيي لابسين الكفن
............................................................
دول يامه حرموني من أكل 
................................لقمة معاك فى  الفطار
وخلوني من قبل  الفجر
..........................صاحي لما عقلي يامه طار
والشنطة على ضهري تئيلة
.................أتحدى لو شالها من التقل الحمار
...........................................................

وكل يوم أقف على السكة الطويلة
...................وألف أه يامه لو يطول الإنتظار
ضهري الصغير ينحني زى
.......................عجوز داق طول عمره المرار
ويصحى  فى الفجر يدعي يامه
...................... إن ميطلعشى تاني عليه نهار
...........................
تصدقي يامه انا من التعب
...................كنت ناوى فى السنادي الإنتحار
واسودت الدنيا ف عيني لولا
.................... قلت إنه فى حقي هيبقى  عار
والأستاذ فى الحصة قالي إللي
............. بينتحر ياابني مكانه فى الأخرة نار
.......................
وكنت يامه قبل ما أتخبط
......................باسأل مين هوه نائب دايرتي
علشان أكتبله يامة بإيدي
.........................الصغيرة حكايتي وشكوتي
وأقوله تعالى يانائب جرب
.....................  ...بسيارتك مشواري وسكتي
علشان تحس بإللي بيجرالي
.........................وتعمل طلب إحاطة لبلوتي
وتطلب بناء مدرسة في بلدنا هوه
.. مين غيرك يانائب هيكون سندي وواسطتي
قالولي دا فيه أشاعة أنه مات
....................مرضت و الحمة مسكت جتتي
نسيت إسمي ورسمي ونسيت
....................... مين أمي ومين تبقى عمتي
والنائب التانى عايش مع الصم
..........فى هدوء مسمعشى صوتى وصرختي
ولما الضربة جاتني من الشمال
....................وزميلي قال يا لهوتي يا لهوتي
قلت له ارتحنا يا صاحبي
....................م الهموم يا فرحتي  يا فرحتي
........................
وفجأه شفتك يامه أدامي فى
.................. جنة عرضها معرفشي كام فدان
وماشي انا وإنت  فى الزفة
......................وكأنى طير فى السما  فرحان
.ونسيت السكة والشنطة
.............................وعيشة غم وكلها توهان
بس زمايلي يامه فريق
...........................منهم شفته  حزين زعلان
علشان  ماجوشي معايا
.............................يا مه على جنة الرحمان
...............................
فمتحزنيش يامه على راحتي
..............................أنا كنت من زمان تعبان
ولا أنتى كان نفسك يزيعوا
......................فى الطابورإ سمى وأنا هربان
ولا فى ترعة كبيرة أرمي
........................نفسى وأموت بعدها  غرقان
ولا أطلع من هدومي واجري
............................فى البلد يامه وأنا عريان
ونوايب الدايرة والمسئولين
.....................يقولواإبنك إتخبل وجاله جنان
وتطلعى فى ترببتي غلطانة
......................وأبويا يامه رغم شقاه غلطان
وإنت يا غالية الغاليين عارفة
...................إن مفيش حد بيسند مع الغلبان
.................مفيش حد يامه بيسندمع الغلبان
ودي بوسة مني إليك على خدك
..................... لحد ما أقابلك واكتبي العنوان
شهيد رقم ألف/ طريق دار الخلد/
.................سكن حور العين/ ساحة الرضوان
ويارب يا ست الحبايب يكون
.......................... فراقي دا ليك أخرالأحزان
وحسبنا الله ونعم الوكيل فى إللى
. كان بإديهم الحل وعيشونا فوق فوهة بركان
....................مع خالص العزاء......................
...................محمد جمال فايد......................
...............جمهورية مصر العربية...................
........كفر شبرا زنجي الباجور منوفية.............