عين الحسود.....عزة حسني

 عين الحسود 

عين الحسود فيها عود 

وعمر الحال لأصله مايعود

بعد النباهة والكياسة والدراسة 

وبالابحاث وفى القرءان 

وأحاديث سيد الأكوان 

ماطلع الواد فاشل ولا خيبان

دى طلعت عين طنط ام احسان

دى واحدة كدة فاضية من النسوان 

قاعدة لقالوا وقولنا وجابوا .

 وعندهم كام فدان

وعينها راشقة فى حياتنا وف بيتنا .

وسهم عنيها صاب العقل والشريان

وعلشان مااحنا غاوين نتفاخر  .

ونحدث  بنعم الرحمن

ومش واخدين خوانة لعلانة ولا فلانة 

من الاخر دى ناس ناقصة وجعانة

حرام عليكم سيبونا ف حالنا 

ماتعرفوا معانا ولا كام مالنا

 وبرب الناس استعنت عليكم 

حلفتكم بالله تشيلوا مننا عنيكم 

كفاية علينا ماجرالنا وسوء حالنا واحوالنا .

وكل الناس تدعيلنا و تقرالنا .

من القرءان لحد ماينصلح حالنا

وسيبونا نعمل مابدالنا .

 لا ليكوا بنجاحها ولا فلشنا 

ولا بنقبض ولا بنشحت  .

ولا فى البنوك كام مالنا

  بقلمى/عزة حسنى