شوال الفلوس...عاطف كبارة
شوال الفلوس...
عاطف كبارة
...............
شوال الفلوس...
بيتمشى
ويتمختر
ويتبغدد
علي الطرقات...
بيتدلع
ويتحكم
وبيوزع
هدايا وشوق
وحلويات...
كبير ف السن
وشغلانته
ف وسط بنات...
بيتهامزوا
ويتغامزوا
عليه ف الرايحة
والجايات...
يدوب ويحب ويفرفر
وعارفين إنه
تعلب فات...
ويتحسس
ويتجسس
علي الإميلات
مافيش مانع كمان
يتتبع العورات...
ضمير غايب
ويمكن مات...
دي دنيا وحالها
بالمقلوب...
وبتحكم نفوس
ف قلوب...
وزي مانفسه
بتوديه...
شيطانه بيأمره
ويغويه...
بينسي إن ربنا
موجود...
وكل اللي بيعمله
مرصود...
ياخايب إنت
إصحى وفوق...
مسيرك يوم
حتطلع فوق...
لوحدك بس
وإنت هناك...
مافيش ولا حد
حايقولك
روحي فداك...
ساعتها مش حيبقي معاك...
شوال الفلوس
عاطف كبارة
تعليقات
إرسال تعليق