تسمحيلي...بقلم احمد عبد الحق

تسمحيلي عندي سؤال
ولوانت عايزه تسالي
اساليني نفس السؤال
امبارح كنت لما تغيبي
كنت بتشوق لحضنك
ولما تيجي بتشوق اكتر
كنت حسك
حتي لماتنزل دموعك
كنت عيشك
ولما تتوجع حتة فيك
كنت بتوجع لوجعك
ولما اعيش معاك لحظه جنون
كنت بتعذريني
زي مالحظات جنونك
كنت عذرك
كانت حروفي بتكتبك
كنت حرفك وكنت شعرك
حتي في عز نومك
كنت ونيسك..كنت حلمك
كنت النور اللي في حياتك
كنت رغم البعد جنبك
ولما كنت تزعليني
كنت اغضب
ولماشوقك كان ينادي
انسي زعلي واقوم رجعلك
وانت برضو كنت عايشه
كنت حاسه
انك زي ماانت حلم عمري
انا كمان تاج لعرشك
السؤال محتاج جواب
هو انا كنت بحلم
ولا كان الحلم وهم
ولا انت بترضي غرورك
ولا انا مبقتش حسك
هتساليني ولا اسالك
اقولك حاجه
والله حاسس بردك
اصل انا مش عارف انكر
اني حبيتك
والجديد اللي في سؤالي
ياتري هفضل احبك
احمد عبدالحق المصري