ازاي....بقلم احمد عبدالحق

ازاي عايزين الشمس تمشي
والنبض ساكن في القلوب
ماهي كل يوم الشمس تطلع
مع انها عاشقه الغروب
وكل ما يتولد عاصي
هناك ناس عايزه تتوب
اصلها حاله
يمكن تكون فيها قواله
ولاشوق رافض يموت
واستحاله
والف مليون استحاله
انك تفتكر عشان تبيع
وانك تموت جواك رضيع
انك تعيش حاله هروب
انك تحس بان مشاعرك
عايشه بالمقلوب
الخلاصه بدون منهده
بدون معنده
كله علي الجبين متسطر
كله في الكتاب مكتوب
هي مش حاله غروب
يمكن زهق
او انك تعيش لحظه قلق
اصله في ازمه في الورق
حتي العرق
واللي مات فوق فرشته
زي اللي مات من الغرق
واللي اتخدع
واللي اتظلم
واللي سارق واللي سرق
عشان وفقت انك تعيش
لحظه غرام..لحظه هيام
وعشان تحس بالانسجام
لازم قلبك من الغرام
قبل مايعيشه يتحرق
هي مش حاله غروب
او انك تحس في يوم بالرحيل
وعشان ترد الجميل
وعشان تكسر جواك مستحيل
فوق قوام
انسي في يوم انك
عشت الغرام
عاوز نصيحتي
وعشان تفهم كل الكلام
هات قلبك نبدله
مبقاش في حد يشغله
ولا يتمنه
هو صحيح قلبك بكام
هاته واحاول في السوق ابدله
يمكن الاقي بداله
قلب مصنوع من الرخام
احمد عبدالحق المصري