لو كان علي العذاب...بقلم احمد عبد الحق

لو كان علي العذاب
اتعذبي
اكتبي عنه كتاب
اصرخي
بكره ياما تندمي
كله من ضمن الحساب
بتهدديني اعيش بدونك
والله انتهي دورك
النهارده مات غرورك
النهارده مايفرق حضورك
مايفرق عندي غياب
بيعي نفسك
بس اوعاك البعاد يغرك
او يجنك
والله حسك
عايشه ..وعلي راي شاعر
يفرق كتير عشق البشر
عن انك تعشق كلاب
ولو انت قادره تستحملي
اتعذبي
اندمي
والله ملاقيلك جلده
احطهالك علي الكتاب
واتعلمي
قبل ماتقولي السؤال
اعرفي ازاي تسالي
واتعلمي
قبل ماتحسي بشاعر
ازاي تفهمي
ولما تحبي تقول شوق
حبة ادب ..حبة حياء
قبل ماتتكلمي
اتعذبي
هاتي دموعك كلها
واطهري
ارمي ذنوبك وقتها
وبالندم حاولي تتعطري
ولو فات الاوان
وريني خطوتك
قسوتك
وريني وانت بالعذاب
وانت بتتمخطري
الخلاصه وبامانه
حاولي تلاقي نفسك
لو تقدري
حاولي كسرك بنفسك
قبل يوم مايجي هو يكسرك
حاولي ..ياريتك تحاولي
قبل يا......متخسري
احمد عبدالحق المصري