عقد الياسمين....بقلم يوسف .م.شحرور

👰👰👰👰👰.....عقد....الياسمين.....👰👰👰👰👰

     قالوا: صرت كبير عالحب
     ومرت عليك كتير سنين

     يا هل ترى،الحب إلو عمر
     خبروني،ان كنتوا عارفين

     اعطوني نصيحة،لوجه الله
     وكونوا إلي من الناصحين
   
     شو بتعملوا لما بيطل القمر
     وتشوفوا خدود حمرا موردين

      ولما بتشموا،عطر الورد
     وعنق مزين،بعقد الياسمين

     وطلة حلى،سبحان الخالقها
     معقولي تقولوا مش شايفين

     وكلام الغزل،ل عيون المها
      لمين بينقال الا للحلوين

     ولما بتتمايل على الجنبين
     متل عود الخيزران يا سامعين

     شو بيبقى بعد تا ينوصف وينقال
     وعودي(ة) بعيونكن يا حاسدين

     دخيلكن ما عاد بدي نصيحة
     اتركوني قول كلمتين للشامتين

     يا ريتني برجع شي طفل صغير
     اتغنج وكاغي ع الزنود الدفيانين

     لا تقولوا عني انا المجنون
     يمكن انتو تكونوا،مجانين

     خلوني عيش عمري يا لايمين
     تخمين عمركن ما حببتو.....تخمين.

بقلمي:يوسف م. شحرور