قطفة حبق....بقلم عازار الريم

........قطفة حبق......

شعر باللغة المحكية.....

اتحفني الدهر بزميلات وزملاء في العمل في

غاية الروعة والظرافة.....

عشت معهن بمنتهى المحبة والفرح والشعر

والاحترام...

مديريتنا..... قريبة من الكورنيش الجنوبي

في مدينة اللاذقية..... دخلت في صباح احد

الايام غرفة تجمع بها عدد من الصبايا .. فقالو

لي.... خدنا نفطر بسومر.. قلت تفضلو...

قالو... والاذن.... قلت.... اكيد مارح يوافق

المدير لانو..  كتار   روحو وبعدين...
رحنا

وفطرنا حد البحر ومضينا ساعة من الفرح

والسعادة... ولا اروع.... ولما رجعنا   .

دخلت لعند المدير اللي سألني....  وين

كنتو ..قلتلو.....بسومر     قلي  ليش

مااخدتو اذن قلتلو لانك ماراح توافق  بعدين

كنت بدي اعزمك معنا بس قلت لحالي مارح

تروح... فضحك مطولا وسقاني قهوة... بهدي
هالقطفة الكن ولزملائي من المدير حتى

اصغر واحد... عامة وللزميلات اللي رافقوني

خاصة..... اذا بعدن بيتذكرو.... مع محبتي.

                ..........رفقاتي.............

مجموعة من رفقاتي

                        كانو الفرحة المضموني

حليت فيهن حياتي

                         وسكنو في قلبي موني

مسحو بعيني دمعاتي

                         وطارو بروحي المجنوني

وبقيو الحاضر والاتي

                         وسكنو قلبي وعيوني..

عازار الريم سورية.